TRUMP SE NIJE OGLASIO
Statue nagog Donalda Trumpa u prirodnoj veličini postavljene su na javnim mjestima u nekoliko gradova SAD i postale su hit na društvenim mrežama. Postavljene su u New Yorku, Los Angelesu, Seattlu, San Francisco i Clevelandu.
Kako se navodi, statue su dio postavke projekta „INDECLINE“, a napravio ih je umjetnik iz Klivlenda. „Kroz ove skulpture prikazujemo fizičko i metaforičko otjelotvorenje grozne duše jednog od najozloglašenijih i najoholijih političara u SAD“, navode autori izložbe.
Inače, ispod statua napravljena je ploča na kojoj piše “car nema m*da”, vulgarna verzija citata iz priče Hansa Kristijana Andersena “Carevo novo odjelo” Na društvenim mrežama statue Trampa postale su hit, pa su tako ljudi kačili fotografije na kojima poziraju pored njega, ljube ga u stomak ili mu namještaju čuvenu frizuru.
Ipak, na pojedinim mjestima statue su uklonjene, objavljene su fotografije radnika koji rade na održavanju parka kako golog Trampa utovaruju u gepek kamioneta, a od statue su uspjela da “prežive” samo stopala. Tramp se tim povodom nije oglasio, kao ni ljudi iz njegove kampanje. Izbori u SAD biće održani 8. novembra.
(B92)
